Ўзбекистон сертификатланган молия мутахассислари уюшмаси ҳақида

ACFP мулкий ҳолати ва яшаш жойидан қатъи назар, касбга эга бўлиш ва профессионал ривожланишда барча учун тенг имкониятлар яратади.

Ушбу мақсадни амалга ошириш учун Уюшма:

• янгидан бошлаётган ва тажрибали молия мутахассислари учун таълим дастурларини яратади;
  
• муҳтож бўлганларга молиявий ёрдам кўрсатади;
  
• Халқаро таълим стандартлари (IFAC) асосида сифатли бошланғич ва базавий профессионал тайёргарликни таъминлайдиган қўшма дастурларни амалга оширган ҳолда таълим ташкилотлари билан ҳамкорлик қилади;
  
• ўқитувчилар сифатли таълим контентига кириш имкониятига эга бўлиши учун ҳудудларда профессионал таълимга кўмаклашади.

ACFP молия мутахассислари фаолиятида малака, ишонч, холислик ва ахлоқнинг юқори стандартларини қўллаб-қувватлаш ниятидадир. Молия мутахассисининг профессионал хулқи ва ахлоқи қуйидагилардан иборат:

• профессионал малака – иш учун зарур билим ва кўникмаларнинг юқори даражаси;
  
• ишонч ва махфийлик – мижозлар ёки иш берувчилар маълумотларининг хавфсизлиги ва уларни ошкор этмаслик;
  
• холислик – шахсий манфаатлар ёки ташқи омиллар таъсирисиз молиявий тавсиялар бериш ва баҳолаш;
  
• ахлоқ – манфаатлар тўқнашувидан қочган ҳолда, юқори ахлоқий стандартларга мувофиқ ҳалол ишлаш;
  
• мижозлар ва жамият манфаатларини ҳимоя қилиш.
  

Профессионал хулқ ва ахлоқ принципи профессионал фаолиятда ишончни таъминлайди, профессионал обрў ва сервис даражасини қўллаб-қувватлайди, бизнес ва жамиятнинг барқарорлиги ҳамда тараққиётига кўмаклашади.

ACFP барча манфаатдор томонлар, шу жумладан профессионал ҳамжамият, иш берувчилар ва давлат органлари учун ўз фаолияти тўғрисидаги ахборотнинг очиқлигини таъминлайди.

Шаффофлик қуйидагилар орқали таъминланади:

• Уюшманинг фаолияти ва молиявий ҳолати тўғрисида ҳисоботлар;
  
• эълон қилиш ва мулоқотлар: тадбирлар, таълим дастурлари, янгиликлар, қоидаларнинг ўзгариши тўғрисида хабардор қилиш, веб-сайтда эълон қилиш, электрон жўнатмалар ва бошқа каналлар орқали;
  
• қарорлар қабул қилиш жараёнлари: стратегик қарорлар қабул қилиш ва Уюшма сиёсатини ишлаб чиқишнинг очиқлиги ва шаффофлиги. Шу жумладан жамоатчилик муҳокамаси, очиқ мажлислар, маслаҳатлашувлар ўтказиш, ташкилот аъзолари ва бошқа манфаатдор томонларни қарорлар қабул қилиш жараёнига жалб этиш.
  

Фаолиятнинг шаффофлиги принципи ACFP аъзолари ва жамоатчиликка Уюшма фаолияти, унинг мақсади, қабул қилинаётган қарорлар ва натижаларни баҳолаш ва тушунишга имкон берган ҳолда, ўзаро муносабатларда ишонч ва очиқликни таъминлайди.

ACFP

• профессионал хулқ ва малака стандартларини белгилайди, бу иш берувчилар ва мижозларнинг молия мутахассисларига ишончини оширишга кўмаклашади;
  
• шикоятларни ва Уюшма аъзолари ўртасидаги ёки у ва мижозлари ўртасидаги зиддиятларни кўриб чиқиш тартиб-таомилини белгилайди. Бу адолатни ва барча томонларнинг манфаатлари ҳимоя қилинишини таъминлайди;
  
• молиявий жиноятлар, фирибгарлик ва қонунга хилоф хулқни бартараф этишга қаратилган қоидалар ва нормаларни ишлаб чиқади;
  
• Уюшма аъзоларига профессионал стандартларни ишлаб чиқишда иштирок этиш ва мутахассисларнинг касб фаолиятида иш сифатини ошириш жараёнларига таъсир кўрсатиш имконини беради.

ACFP меҳнат бозори талабларига мувофиқ профессионал малакани ривожлантириш, касб фаолиятига илғор усуллар ва амалиётни жорий этиш имконини беради.

Уюшма:

• стажировка, амалий таълим олиш ҳамда профессионаллар ва ёш мутахассислар ўртасида тажриба алмашиш учун имконият берган ҳолда, “Устоз – шогирд” дастурини амалга оширади;
  
• иш берувчилар билан биргаликда уларнинг ўзига хос эҳтиёжлари ва талабларига жавоб берадиган профессионал ривожланиш ва сертификатлаш дастурларини ишлаб чиқади.
  

Иш берувчилар билан ҳамкорлик қилиш молия мутахассислари касб фаолиятининг меҳнат бозори эҳтиёжларига мувофиқлигини таъминлаган ҳолда, ACFP ва бизнес-жамжамияти ўртасида узвий ҳамкорликка кўмаклашади.

Молия мутахассисларини профессионал ривожлантиришда Уюшма давлат органлари билан яқиндан ҳамкорлик қилади.

Давлат органлари билан ҳамкорлик қуйидагиларни ўз ичига олади:

• молиявий фаолиятни ва молия мутахассисларига қўйиладиган профессионал талабларни тартибга солувчи ҳуқуқий ҳужжатларни ишлаб чиқишда иштирок этиш;
  
• ўрта махсус ва олий таълим муассасаларида профессионал таълимнинг янги дастурларини амалга оширишда узвий ҳамкорлик қилиш;
  
• молия мутахассисларининг яшаш жойи ва мулкий ҳолатидан қатъи назар, уларнинг профессионал сифатида шаклланиши ва ривожланишида тенг имкониятларни таъминлашга давлат тузилмаларининг молиявий ва ташкилий имкониятларини жалб қилиш.