AFS (Associate Finance Specialist) - сертификатланган кичик молия мутахассиси, ACFP малакалар тизимининг биринчи даражаси. Бу - молия соҳасининг барча мутахассисликлари асосида мужассам бўлган молия ва бошқарув ҳисоби бўйича бошланғич билимлар ва кўникмаларни тасдиқлаш учун рисоладагидек старт бўлади. Малакани қуйидагилар олиши мумкин:

• мактаб битирувчилари ва эндигина бошлаётган бухгалтерлар
• иқтисодиёт ва молия соҳаси мутахассисликлари талабалари
• олий молиявий маълумотга эга бўлмаган кичик бизнес бош бухгалтерлари, моддий, ҳисоб-китоб бухгалтерлари
• кичик бизнес раҳбарлари ва мулкдорлари




Талаблар: умумий ўрта маълумотдан паст бўлмаган маълумот ва ACFP абитуриенти сифатида рўйхатдан ўтиш.

AFS учта фан бўйича билим ва кўникмаларни тасдиқлайди:

• Молиявий ҳисоб - савдо компаниясининг ҳар қандай намунавий ўтказмасини тузиш, унинг молиявий ҳисоботларга (молиявий натижалар тўғрисидаги ҳисобот, хусусий капитал тўғрисидаги ҳисобот, пул оқимлари тўғрисидаги ҳисобот) қандай таъсир қилишини тушуниш
• Бошқарув ҳисоби - бошқарув ҳисоби мақсадларида харажатларни бўлишнинг турли усулларини тушуниш, ишлаб чиқариш ва харидлар бюджетларини тайёрлаш, ишлаб чиқариш харажатлари ва тушум бўйича асосий оғишларни ҳисоб-китоб қилиш ва талқин қилиш, маълумотларни таҳлил қилиш учун статистик кўрсаткичларни тушунтира олиш
• Амалий бухгалтерия - бошланғич ҳужжатларни расмийлаштириш ва юритиш, БҲМСга асосан намунавий бухгалтерия ўтказмаларини тузиш, микро ва кичик бизнес учун асосий солиқларни ҳисоб-китоб қилиш, бизнес юритишнинг асосий шаклларини билиш, оддий операцияларни ҳисобга олиш учун 1С ва 1 Uz дастурларидан фойдаланиш.

AFS малакасини олиш учун 2 та имтиҳон топшириш керак: A.FR+MA - Молиявий ва бошқарув ҳисобига кириш бўйича ягона имтиҳон (асосий имтиҳон, молиявий ва бошқарув ҳисоби бўйича материални ўз ичига олади); A.PA - Амалий бухгалтерияга кириш.

A.FR+MA ягона имтиҳони: тест шаклидаги 75 та биргина саволлар (молиявий ҳисоб бўйича 37 та, бошқарув бўйича 38 та), давомийлиги 3 соат, ўтиш балли 60% (150 баллдан 90 балл), ёпиқ китоб билан ўтказилади.

Имтиҳонлар йилига 3 марта: февраль, июнь ва октябрь ойларида ўтказилади.

Тайёргарлик давомийлиги: барча имтиҳонлар учун 5 ойдан бошлаб; ўрта мактаб битирувчилари учун ҳафтасига 10-12 соат ўқиш шарти билан 4 ойгача.

Нархи: A.FR+MA имтиҳони - 0,5 МҲЭКМ; A.PA имтиҳонининг нархи алоҳида кўрсатилган. Дастлабки 12 ой ACFPга аъзолик Абитуриентлар учун бепул, кейинчалик йилига 1 БҲМ.

Бепул тайёргарлик: Ҳисоб юритиш ва солиқлар бўйича ресурс марказида 4 та бепул курс мавжуд - A.FR Молиявий ҳисобга кириш, A.MA Бошқарув ҳисобига кириш, A.MT Молиячи учун математика асослари, A.XL Молиячи учун Excel асослари.

Профессионал афзалликлари:

• халқаро эътироф ва жаҳон даражасидаги касбий маҳорат чўққилари томон биринчи қадам; 
• молиявий ва бошқарув ҳисоби бўйича бошланғич билимларни тасдиқлаш;
• қуйидаги лавозимларда ишлаш имконияти: бошқарув ҳисоби бўйича бухгалтер ёрдамчиси, бош бухгалтер ёрдамчиси, кичик иқтисодчи, кичик бухгалтер, иқтисодчи ёрдамчиси, нархни белгилаш бўйича иқтисодчи ёрдамчиси, тафтишчи-бухгалтер ёрдамчиси, аудитор ёрдамчиси, участка бўйича бухгалтер.

Мартабада ўсиш имкониятлари:

• ACFPда иштирок этиш даражасини Абитуриентдан Талабагача ошириш;
• CFS малакасини олиш учун базавий даражадаги имтиҳонларга кириш имконияти;
• молия мутахассисининг базавий ва профессионал билим ва кўникмаларини ўзлаштириш учун асос;
• молия мутахассиси мартабада ўсиши учун илк инвестициялар.

Бизнес учун:

• молиявий ва бошқарув ҳисобининг умумий принципларини тушуниш;
• молияни яхшироқ бошқариш ва асосланган қарорлар қабул қилиш;
• молия мутахассиси фаолиятини назорат қилиш имконияти.