CFS (Certified Finance Specialist) - базавий даражада сертификатланган молия мутахассиси. Малака Ўзбекистондаги кичик бизнесга хизмат кўрсатувчи молия мутахассислари учун махсус ишлаб чиқилган. Ушбу малака даражасини қуйидагилар олиши мумкин:

• кичик корхоналар билан ишлайдиган молия мутахассислари; ҳисобга олиш участкаси бўйича бухгалтерлар;
• кичик бизнес раҳбарлари ва мулкдорлари; иқтисодиёт ва молия соҳаси мутахассисликлари талабалари.

Айниқса, молия соҳасида олий маълумотга эга бўлмаганлар учун мос келади.

CFS 8 та фан бўйича билим ва кўникмаларни тасдиқлайди:

• Молиявий ҳисоб ва ҳисобот - асосий операцияларни ҳисобга олиш, ҳисоботни тайёрлаш жараёни, ҳисоботни тиклаш, гуруҳли ҳисобот принциплари, базавий таҳлил;
• Бошқарув ҳисоби - статистика ва макроиқтисодиёт, харажатларни ҳисобга олиш усуллари, захираларни бошқариш, қисқа муддатли қарорлар қабул қилиш, бюджетлаштириш, оғишларни таҳлил қилиш;
• Молияни бошқариш - ташкилот мақсадларидан келиб чиққан ҳолда бошқариш, макроиқтисодий контекст, инвестиция қарорлари, молиялаштириш тўғрисида қарорлар, айланма капитални бошқариш;
• Аудит ва тасдиқлаш - хизмат турлари ва тартибга солиш, профессионал ахлоқ, мустақиллик, корпоратив бошқарув, далилларни тўплаш, аудиторлик хатарлари;
• Ҳуқуқ - ҳуқуқий тизим, ҳуқуқ субъектлари, мулк, тадбиркорлик фаолияти, мажбурият ҳуқуқи, молиялаштириш ва дивидендлар, меҳнат муносабатлари; 
• Солиқлар ва солиқ солиш - Ўзбекистоннинг солиқ солиш ва маъмуриятчилик тизими, даромад солиғи, ижтимоий солиқ, айланмадан олинадиган солиқ, ҚҚС, фойда солиғи, мол-мулк солиқлари;
• Ташкилот ва унинг фаолияти - ташкилот ва манфаатдор томонлар, ташқи муҳит, тузилма ва бошқарув, бухгалтерия ва молия, назорат ва аудит, ходимларнинг роли, ахлоқий масалалар;
• Ахлоқ ва профессионал хулқ - ахлоқий хулқ принциплари, профессионал ташкилотларнинг роли, корпоратив ахлоқ кодекслари, ахлоқий низолар, самарали мулоқот, мақсадларни белгилаш ва режалаштириш.

Барча имтиҳонлар имтиҳон марказларидаги компьютерларда ўтказилади. Ҳар бир имтиҳоннинг давомийлиги - 2 соат 15 дақиқа. Ўтиш балли - аксарият имтиҳонлар учун 50%, B.LW ва B.TX учун 60%. CFS дипломини олиш учун 7 та имтиҳон топшириш ва 1 та курсда ўқиш керак:

• B.FR - Молиявий ҳисоб ва ҳисобот асослари;
• B.MA - Бошқарув ҳисоби асослари;
• B.FM - Молияни бошқариш асослари;
• ACFP - Илғор даражада сертификатланган молия мутахассиси
• B.AU - Аудит ва ишончни таъминлайдиган топшириқлар асослари;
• B.LW - Ҳуқуқ;
• B.TX - Солиқлар ва солиқ солиш;
• B.OO - Ташкилот ва унинг фаолияти;
• "Ахлоқ ва профессионал хулқ асослари" курси.

Тайёргарлик давомийлиги: барча имтиҳонларга 15 ойдан бошлаб; ҳафтасига 10-12 соат ўқиш бўлган ҳолатда битта имтиҳонга 2 ой.

Нархи: барча тайёргарлик учун камида 15 млн сўм; имтиҳонга стандарт рўйхатдан ўтиш учун 1 МҲЭКМ (имтиҳондан 15-90 кун олдин); Кечроқ рўйхатдан ўтганлик учун 1,5 МҲЭКМ (имтиҳондан 7-14 кун олдин); 1 БҲМ - ACFP йиллик аъзолик бадали.

2025 йилда имтиҳонлар июнь ва декабрь ойларида ўтказилади.

Касбга оид афзалликлар:

• молиявий билим ва кўникмалар бўйича базавий билимларни тасдиқлаш;
• бухгалтер, бош бухгалтер ёрдамчиси, участка бўйича бухгалтер, кичик корхона бош бухгалтери, нархни белгилаш/меҳнат бўйича иқтисодчи, тайм-менежмент, кичик бизнесда молия маслаҳатчиси/менежер лавозимларида ишлаш имконияти; 
• меҳнат бозорида рақобатбардошликни ошириш; 
• инсонга хос ноёб кўникмаларни ривожлантириш туфайли сунъий интеллект ўрнини боса олмайдиган кадр сифатида шаклланиш.

Мартабада ўсиш имкониятлари:

• CFP малакаси бўйича кейинги даражага ўтиш ҳуқуқи;
• ACCA имтиҳонларига қўшма схема (JES) бўйича кириш;
• ACFPда иштирок этиш даражасини "Талаба"дан "Аъзоликка номзод"гача ошириш; 
• имзо, резюме ва ҳужжатларда CFS белгисидан фойдаланиш имконияти.

Бизнес учун: 

• молияни бошқаришни яхшилаш; 
• инвесторлар ва кредиторлар ишончини ошириш;
• молия маслаҳатчилари билан самаралироқ мулоқот қилиш.