ACFPда иш берувчиларни аккредитациядан ўтказиш дастури

Ходимларни бошқариш, компаниянинг обрўсини мустаҳкамлаш ва рақобатбардошлигини оширишдаги янги имкониятлардан фойдаланинг

Ариза бериш Маслаҳат олинг
ACFPда иш берувчиларни аккредитациядан ўтказиш тўғрисидаги низом Юклаб олиш
preview

Иш берувчиларни аккредитациядан ўтказиш нима

Бу компания молия мутахассисларининг малакасини доимий равишда ошириб бориш ва кадрлар қўнимсизлигини олдини олишни мақсад қилганлигини тасдиқловчи тартиб-таомилдир. Бу шундан далолат берадики, бизнес касбда ўсиш учун шарт-шароитларни таъминлайди ва ходимларни бошқаришнинг юқори стандартларига амал қилади.

Мақсади

ACFP аккредитацияси ходимларни бошқаришда юқори стандартларга интилган, уларнинг профессионал ривожланишидан манфаатдор бўлган ва Ўзбекистон меҳнат бозори ҳамда бизнес муҳитида рақобатбардошликни оширишни истаган ҳар қандай ташкилот учун фойдали бўлиши мумкин.

Кимга тўғри келади

  • Йирик ва ўрта компанияларга
  • Банклар ва суғурта ташкилотларига
  • Аудиторлик, консалтинг ва бухгалтерия ташкилотларига

Иш берувчилар учун аккредитациядан ўтказиш мезонлари

Молия мутахассисларига ACFP талабларига мувофиқ келадиган амалий тажриба ва кўникмаларни олиш имкониятини таъминлаш

Ходимларнинг профессионал ривожланишини қўллаб-қувватлаш учун малакали мураббий тайинлаш

Ходимларнинг профессионал мақсадларга эришишдаги ютуқларини ҳар йили баҳолаш

Ходимларга малака имтиҳонларига тайёргарлик кўриш ва топшириш учун вақт ажратиш

Ходимларга ACFP малакаларини олишда молиявий кўмак бериш

Молия мутахассислари учун узлуксиз профессионал ривожланиш дастурларига эга бўлиш

Йил учун белгиланган тартибда расмийлаштирилган шахсий мақсадлар ва малака ошириш режаларини ишлаб чиқиш

Ўқитиш ва профессионал ривожланиш режасини амалга ошириш учун зарур ресурсларни ажратиш

Ўз ходимларидан ахлоқ ва профессионал хулқ стандартларига риоя қилинишини талаб қилиш

Аккредитациядан ўтишнинг афзалликлари

Иқтидорларни жалб қилиш

Ривожланиш ва мартаба ўсишига интилаётган интилувчан ва истиқболли молия мутахассислари учун оҳанрабо бўлинг

Ходимларни ушлаб қолиш

Узоқ муддатли истиқболда ходимларнинг компания билан алоқасини мустаҳкамлаш орқали уларнинг иштироки ва мотивациясини оширинг

Обрўни мустаҳкамлаш

Мижозлар, ҳамкорлар кўз ўнгида ишончли ва масъулиятли иш берувчининг ижобий имижини шакллантиринг

Рақобатга доир имтиёз

Рақобатчилар орасида ажралиб туринг ва тендерлар ҳамда музокараларда муваффақият қозониш имкониятини оширинг

Ресурсларга кириш

Жамоангизга ўқув материаллари ва ACFP профессионал тадбирларидан имтиёзли фойдаланиш имкониятини тақдим этинг

ACFPнинг аккредитациядан ўтган иш берувчисига айланишни хоҳлайсизми?

Ҳозироқ ариза беринг ва барча имкониятлардан фойдаланинг!

Ариза бериш

ACFPнинг аккредитациядан ўтган иш берувчисининг роли: ҳуқуқ ва мажбуриятлар

Ҳуқуқлар

  • ACFPнинг аккредитациядан ўтган иш берувчиси мақомидан ўз коммуникациялари ва маркетингида фойдаланиш
  • ACFPдан ахборот ва услубий кўмак олиш
  • ACFP тадбирларида имтиёзли шартларда иштирок этиш
  • Молия мутахассисларини ривожлантириш учун ACFP ресурсларидан фойдаланиш имкониятига эга бўлиш
  • ACFP воситалари ёрдамида ходимларни аттестациядан ўтказиш ёки баҳолашни амалга ошириш

Мажбуриятлар

  • Молия мутахассисларининг профессионал ривожланиш дастурларини қўллаб-қувватлаш ва амалга ошириш
  • Ходимларга ACFP имтиҳонларига тайёргарлик кўриш ва топширишда кўмаклашиш
  • Ходимларга зарур ўқув ва ахборот ресурсларидан фойдаланиш имкониятини таъминлаш
  • Молиявий фаолиятда ахлоқий меъёрларга риоя қилиш
  • ACFPга ташкилотда молия мутахассисларини ривожлантириш тўғрисида йиллик ҳисоботни тақдим этиш

Аккредитацияга эга бўлиш тартиби

Ариза бериш

ACFP сайтида онлайн-сўровномани тўлдиринг. Зарур ҳужжатларни тайёрланг ва илова қилинг

Дастлабки баҳолаш

Аризангиз ACFP экспертлари томонидан кўриб чиқилишини кутинг. Зарурат бўлганда, сўров бўйича қўшимча ахборот тақдим этинг

Баҳолаш ва учрашув

ACFP вакилларининг ташриф санасини келишиб олинг. ACFP вакиллари билан учрашув ўтказинг. Стандартларга мувофиқликни амалиётда намойиш этинг

Аризани кўриб чиқиш

ACFP аккредитация комиссиясининг қарорини кутинг. Зарурат бўлганда, яхшиланиш бўйича тавсияларни бажаринг

Натижаларни олиш

Ижобий қарор қабул қилинган тақдирда, ACFPнинг аккредитациядан ўтган иш берувчиси сертификатини олинг

Натижаларни олиш

Ижобий қарор қабул қилинган тақдирда, ACFPнинг аккредитациядан ўтган иш берувчиси сертификатини олинг

Аккредитациядан ўтказишни узайтириш шартлари

Юқори профессионал ва ахлоқий стандартларга содиқлик

Ходимларнинг профессионал таълимига инвестиция киритиш

Таълим ва ривожланиш маданиятига кўмаклашиш

Алоқада бўлинг — бизни ижтимоий тармоқларда кузатиб боринг

Профессионал таълим соҳасидаги янгиликлар, воқеалар ва имкониятлар ҳақида биринчилардан бўлиб хабардор бўлиш учун янгиланишларимизга обуна бўлинг

ACFP мутахассисидан бепул маслаҳат олинг

Боғланиш учун маълумотларингизни қолдиринг – биз яқин вақтда сиз билан боғланамиз ва ACFPда аккредитациядан ўтиш шартлари тўғрисида батафсил сўзлаб берамиз

Оммабоп саволлар

Иш берувчиларни ACFPда аккредитациядан ўтказиш - бу иш берувчининг молия мутахассисларининг профессионал ривожланишини қўллаб-қувватлаш бўйича илғор амалиётларга мувофиқлигини тасдиқлашдир. Ўзбекистон Республикаси ҳудудида фаолият кўрсатаётган ва штатида молия мутахассислари бўлган ҳар қандай юридик шахс аккредитация олиши мумкин. Аккредитация ихтиёрий равишда ўтказилади ва Ўзбекистон ташкилотларида молия мутахассисларининг профессионал ривожланишига кўмаклашишга қаратилган.

Аккредитациядан ўтиш учун номзодларга қуйидаги талаблар қўйилади:

  • молия мутахассисларини ривожлантириш дастурининг мавжудлиги;
  • профессионал сертификатларни олишда ходимларни қўллаб-қувватлаш;
  • ходимларни бошқариш соҳасидаги энг яхши амалиётларга мувофиқлик;
  • молиявий фаолиятда ахлоқий стандартларни таъминлаш.


Номзод талабларга мувофиқлигини тасдиқловчи ҳужжатларни илова қилган ҳолда acfp.uz сайтида аккредитациядан ўтиш учун ариза-сўровномани тўлдириши ва топшириши керак.

Аккредитация уч босқичдан иборат:

  • аккредитациядан ўтиш учун ариза бериш ва зарур ҳужжатларни тақдим этиш;
  • ходимларни қўллаб-қувватлашнинг энг яхши амалиётларига мувофиқлигини баҳолаш;
  • аккредитациядан ўтказиш тўғрисида қарор қабул қилиш.


Аккредитациядан ўтказиш тўғрисидаги қарор ACFP директори томонидан acfp.uz сайтида ариза-сўровнома топширилгандан сўнг 30 кун муддатда қабул қилинади. Аккредитациядан ўтган иш берувчига аккредитациядан ўтганлик тўғрисидаги гувоҳнома уч календарь йил муддатга берилади.

Аккредитациядан ўтган иш берувчиларнинг мажбуриятлари:

  • Аккредитациядан ўтказиш тўғрисидаги низомга риоя қилиш;
  • молия мутахассисларини профессионал ривожлантириш дастурларини қўллаб-қувватлаш ва ривожлантириш;
  • ACFP ва АCCА имтиҳонларига тайёргарлик кўриш ва топширишда ходимларга кўмаклашиш;
  • молиявий фаолиятда ахлоқий меъёрларга риоя қилиш;
  • ACFPга молия мутахассисларини ривожлантириш бўйича йиллик ҳисоботни тақдим этиш.


Ҳуқуқлар:

  • коммуникацияларда ACFPнинг аккредитациядан ўтган иш берувчиси мақомидан фойдаланиш;
  • ACFPдан ахборот ва услубий кўмак олиш;
  • ACFP тадбирларида имтиёзли шартларда иштирок этиш;
  • ACFP ва ҳамкорларнинг ресурсларидан имтиёзли шартларда фойдаланиш имкониятига эга бўлиш.

Аккредитация қуйидаги маълумотлар таҳлили асосида узайтирилади:

  • ўқитиш ва сертификатлашдан ўтган молия мутахассислари сони;
  • профессионал имтиҳонларни муваффақиятли топширган ходимлар фоизи;
  • узлуксиз профессионал ривожланиш дастурларининг мавжудлиги ва самарадорлиги;
  • ходимларнинг ривожланиш дастурлари ҳақидаги фикр-мулоҳазалари.


Узайтириш учун иш берувчи муддат тугашидан 3 ой олдин acfp.uz сайтида ариза-сўровномани тўлдиради.


Аккредитациядан ўтган иш берувчилар реестри acfp.uz сайтида жойлаштирилади ва у ташкилотнинг номи, юридик манзили, аккредитациядан ўтганлик тўғрисидаги гувоҳноманинг рақами ва амал қилиш муддати, боғланиш учун маълумотларни ўз ичига олади.

no

Аккредитациядан ўтган иш берувчига айланинг

Расмий мақомни олинг ва барча имкониятларга бугуноқ эга бўлинг.

Ҳозироқ ариза беринг!

Ариза бериш